旧 microSD 复活! 十合一变身 SSD 神卡开箱旧

呢张「microSD×10 → 2.5″ SATA」神卡一直冇正式名,说明书上面就话叫「H1001A Adapter」,大家都係继续叫佢做「神卡」吧啦!神卡可以插最多 10 张 microSD 卡仔,自动行 RAID 做一只 2.5 吋 SATA SSD 咁话,标榜唔使 Driver、唔使自己 Set 就用到,完全自动波。

 

 

旧 microSD 复活! 十合一变身 SSD 神卡开箱旧

H1001A 转换卡正面,每个卡槽都有列明编号,插唔够 10 张卡就要先插细数字嘅卡槽

 

旧 microSD 复活! 十合一变身 SSD 神卡开箱旧

H1001A 转换卡背面

神卡最多可以装 10 张 microSD,粒晶片叫 SAGE S681BG,係咪好冷门呢?SAGE 官网话呢粒 S681 只支援到 SATA2 介面,即係 3Gb/s 频宽,大家都知係而家 SATA3(即係 6Gb/s)嘅一半啦。粒晶片最多支援 10 通道传输,仲劲过一般 SSD 嘅 8 通道喎!之不过,SAGE 官网亦有写,最高读速只去到 260MB/s,写入就只去到 225MB/s,唔可以同主流 SSD 相提并论。

旧 microSD 复活! 十合一变身 SSD 神卡开箱旧

神卡粒晶片叫 SAGE S681BG。

相信大家都想知,到底呢只 SSD 係行咩 RAID 模式?实际上係冇写嘅,因为佢当正係一般 Controller 咁运作,夹硬要讲就係类似 RAID 0,各张 microSD 嘅容量加埋,又有加速效果。

到底用到几大容量同速度?假如大家係用 10 张一模一样嘅 microSD,说明书就声称提供 10 倍容量,速度都係照乘 10 倍咁话。如果啲卡嘅容量、速度唔同,就统统以最细、最慢果张为準,举个例:用 9 张 16GB 加 1 张 2GB,都係用 2GB 去乘 10 喇!所以呢,说明书都写明,建议用相同牌子、容量、速度嘅 microSD。

旧 microSD 复活! 十合一变身 SSD 神卡开箱旧

装卡都唔难,有点似装Socket CPU。

如果换走、抽走、或者死咗 10 张之中嘅卡,咁又会点?Sorry 喇,每次换卡或加减卡,神卡都会由头计过容量同初始化,所以缺一不可!之不过,假如你将啲卡洗下牌、又识得顺番次序装番入神卡,咁仲可以拎得番所有资料。

旧 microSD 复活! 十合一变身 SSD 神卡开箱旧

如果换过卡或抽走过卡,就会得番个 RAW 嘅分区,要 Format 过先用到。

 

旧 microSD 复活! 十合一变身 SSD 神卡开箱旧

只要顺番装卡次序,又冇搞过张卡分区或资料,重新装番上去都可以读得番资料。

 

到底 10 张 microSD 加神卡,係咪真係 SSD 呢?技术上可以答你唔係,最重要一点係张卡冇做到 Wear-Leveling 同 Over-Provisioning 两样 SSD 常见技术(最起码 SAGE 官网冇提过),再加上 microSD 本身用嘅 Flash 颗粒质素唔及 SSD,长期咁用法,耐用性实在存疑。

拆解到呢度先,会尽快测试再详报同大家报告!记得留意!